نصوص الارض

. . . . . . .

 

 أغلق الباب المؤدى من الجنه للارض . .

ملاك السما الدنيا

، و عاد الى قريته

يبكى الايام التى حمل فيها بعض من قطف الجنه الى اهل الارض

فى غفله من عين الانسان

جبريل فى اخر زياره له بالارض

سمع ابليس يقهقه : الآن

انا و بنى ادم

وجه لوجه

الارض تخلو من اقدام الملائكه 

. . . . . . .

انا من الفصيله التدونيه

... متوقعتش ابداً انى ممكن اتلكم او احكى عن نفسى و عن حاجات شايلها جوايا عالرفوف ، لكن القافيه تحكم .
بما انى انسان من فصيلة القراء فضلت ادور على ناس شبهى بتحب الكتب و سطورها و تكتب و تحلم باليوتوبيا فعترت على عالم التدوين و المدونات و بصراحه بصراحه يعنى مفيش كلام ازبهليت ( انبهرت يعنى ) بالناس اللى قريت فى مدوناتهم و اتصنطت عليهم و عرفت عنهم اللى ممكن ميقولوهوش لقرايبهم فحسيت انى اكتر من قرايبهم و مع كل مدونه جديده بحس ان القرايب زادت و قلت همه الصحاب و القرايب ايه غير انهم يحسوا ببعض و يعرفوا اكتر عن بعض و كدا يعنى

بالاضافه ان الفصيله التدوينيه دى بتتكلم فى حاجات  الفصايل التانيه متتكلمش فيها خالص و لا بتحب تعرف عنها حاجه و بتلفظها زى مثلا يحيى حقى او مصطفى الرافعى و غيرهم ، و المشكله انى بحب الكلام فى الحاجات دى جدا و شايف انها اكتر فايده من الكلام عن اللبس و التريقه على خلق الله و اخر مسلسلات ايتن عامر و الخ الخ الخ
فشكراً لكل مدون و مدونه حسسونى انى من فصيله منقرضتش و خلونى اتأكد ان التدوين هو عالم اليوتوبيا .

 اعذرونى لو فى تقصير من ناحيتى فى متابعه المدونات و زياره الاهل ، كمان المدونه بتاعتى على قد حالها لانى فاشل فى تنظيم المدونة و تنسيقها و فرشها كويس حتى لحد دلوقتى مش عارف اعمل رابط الفيس بوكى على المدونه .

نص التكفير

و يحذركم الله القرية التى بعث الشيطان فيها نبياً ، فأمنوا ، وصدقوا

ذلك انه علمهم النبوة ، فكانوا انبياءَ جميعاً و رسولاً

فلا يغرنكم ما علموا باطلاً 

ليس من عند الله خالقكم لينسوكم ربكم 

التفسير :  لا تؤمن الا بالله ، فالشيطان قد يعلمكم العلم ليضلكم ، كل ما هو دون الله ضلال .

الله لا ينظرالا للصف الاول

دفتر ملاك كتفى اليمين

بيحصى الدم فى الشارع

أفتى بلسه شويه 

وتنزل الجنه

فشدوا الحيل

اسبغوا  حتى المرفق

دماكم ..

ويلٌ للاعقاب

حاذوا ما بين نسائكم

و العيال البكر

الله لا ينظرالا للصف الاول

استووا جداً

و استقبلوا الطلقه فى خشوع

قيم الصلا : . . .

 " الله اكبر "

قواد الدم

الدم على حجر التراب

لا يجوز للتيمم

طفح الرصاص م الجسد

غرقت سجاجيد الطريق

و الحصر فى الشارع

و عالاسفلت 

 السكنى خدش  المأزنه

فمنين نجيب الشاش

وطوب لبن طاهر

لم يمسه المنى م الشريان

و ازاى ترمم فرج فى جسد

انفضت بكارته بالرصاص

الدعاره بقت فى الدم يا شيوخنا
و العهر فى الارواح

فاختار يا مولانا جسد

احسن جسد

يكون صالح للزنا

و قدمه فى سوق البياده 
صف اول

و سبهم يكشفوا عورته

قبل المعاشره بالبنادق

و عالبركه

اشترى

الليل نقاب

الشمس بصت للسما

من خلف شيش

اتنقبت

وشك قمر

ما اجملك وسط النجوم

خد الكسوف

وقت الغروب

ما اجمله

للناس اللى بتقاتل علشان حريه البنت فى لبس الحجاب او عدم لبسه ، ليه بتكره اى وحده منقبه ، جايز يكون نقابها عن اقتناع ، من حقك تدافع عن حريه البنت لكن متتضهدش الاخرين ، المنتقبه بإقتناع جميله جدا زى اللى مش منتقبه او مش محجبه ، الحريه للجميع .

الطير بمنطق الانسان

قش السما

مقدرش يقنع طير، يسيب الارض ، و يبنى عشه عالغيوم

غصن الشجر الازرق ميستحملش

.

..

...

..

.

من هنا أختلست الحور النظر

يطل مباشرة ً فى الجنة

الثقب الأسود فى عينيك

و هنالك فى الأرض ممر

يأخذنى لأعلى 

دون الحاجه لأكتاف الملائكة

كيف يراقب قرص الشمس

جميع الارض من أعلى ؟

دعينى أرى الازهار 

من تحت أجفان القمر

لعينيها جناحان

يجملاننى لأطير

ليس كل من له جفن يطير

فمها الذى انشق 

لا يلتئم

و كذلك ،

أنا اسعى جاهذاً 

لتركيب نصفا شفتي فى شفتيك

ولكن ، لم يلتئما

أكور شفتى على شفتك

و نسلخ القبلات آيتين

يد الله التى أسبغت فخارك

اتقفى آثارهما 

فى جسدك

من أين بدأ ؟

أين أنتهى ؟

لم أتوقف فى بحثى

حتى أصل الغار .

الهمزه فى الوتر عالسطر

و اتهجى عالوتر كل الحروف

و احتار فى رسم الهمزه 

عالنوته

 و الا تحت السطر

معادلة فى النغم بالعشق مزبوطه

ملينى اولها 

و انا هقرى اللحن قطر

وان مره وقعت فى الاعراب

متعلموش ورق البيانو بصفر

كان اخر السلم موسيقى 

سطح

جايب بعينه طول و عرض النهر

شبه الاغانى 

والحب

مزيكا و بنت
الحب قهر

رمش القانون بيغنى 

تحت لحم الضهر

و الهمزه فى الوتر 

عالسطر .

وتر

وتر فى قوس البدر 

نبضى فيه

وانتى القمر لو جه

هتوقفيه

و ما بين أفولك و المجئ

لحن نفسه مره وحده تسمعيه

طرحه زرقا

طرحتها من روح السما الاولى

نفضت نجومها و القمر  والشمس

مسبتش غير الفجر فى وشها صلى

كأن على خدها آيه من القرآن

مرسومه منقوله

لان طرحتها من روح السما الاولى

جفنين

مرج الضدين فى عينيكى قد يتلاقى

بينهما برزخ يرفض أى عناقا

. قديسة فى المحراب تصلى

. عرافة تتلو سحراً و هى تغنى

تلك المعجزة الكبرى فى جفنين

جفنُُ صلى 

آخر غنى 

أقرأينى النص

أقرأينى النص 

بتجاويدك انتى

كل من قرأ النص له تأويل

و انا انتظرك

لترينى

كيف يكون الوحى حين كتبتى

الوحى تمثل فى صوتك حين قرأتى

صاحبة التوب الابيض

التوب ابيض بدون جناحين

جايه فى صورة انس

و النور ملايكة فى أرض الطين

زى الايمان بالشمس

نطق فى المهد قلبى بطهرها و العين

كأنى بايت فى الجنان من أمس

سمرا

أنا اللى ميه و رمل

و انتى اللى أرضك طين

بزحف و ألم الشمل 

طول ما أحنا متواعدين

و كأنى جيش النمل

راح سكن حطين

. . . .

 الرمل مات فى الضل

و الارض صبحت بور

ساب الصحارى و فل

جالك هنا بالجور 

. . . .

...... to be continued

ملاحيظ : ديوان نزار مقرتوش اصلا لكن كنت بدور على صوره ملقتش غير دى 

القصيدة ( على اعتبار انها قصيدة ) مكملتش علشان مضطر اذاكر للامتحانات .

عن pasha اتكلم

--( لأن قسم حبة فى قعر كباية فى مدونة هجايص قسم جميل و ممتع 

حبيت اهديله الكلمتين دول )

حبة فى قعر كباية 

تلقى الحروف الوان

صيد الكلام عندك هواية

يا اللى بترسم عالحيطان

خد القمر .. كان لمبة سهراية

قول و أنا سهران 

توب الورد

شفت الورد ينشر توبه عالحبال

و شفت الزهر يخفى الشمس بجناحه

لما بتدحك بين سطور موال

نسمه تبوسنى كل يوم فى صباحو

جئت اليكى

جئت أليكى و ما عاد منى سوى بعض نبض سرى فى دمايا

فما عاد طير ، و ما عاد غيم ، و لا حتى نجم يواسى سمايا

جئت لألقى بنفسى أليك

كأنى أخبأ فيك عرايا

أريدك أن تحتوينى بقوة

لتشفى منى ندوب الخطايا

جئت لأترك عينى لشفتك

هلا محوتى عنى عمايا ؟

و هلا أنام طويلاً طويلا ؟

و عندما أصحو نرى ما البدايا 

تعريف بسيط

- أنا اللى معجونه ملامحى برمل حزين

- و صوتى يعزف دم مـ الشرايين

- انا التايهه فى وسط الزحمه و الساكتين

- و انا اللى بسقط فى الغنى يا ساده مستعمين

. تعب الوتر من جريكم ورا الالحان 

. و لعبتوا فوق رمشه .. صرخ فيكو كمان 

. و الكل صامت كأنه أدان

. لسه الفقير حافظ من القرآن 

- أية الدين

- و يعبى بطنه بالغنى أحسن ما ياكل طين

- مع انه تايهه فى وسط الزحمه و الساكتين

- و صوته بيعزف دم مـ الشرايين

ملحوظه : كمان : آله موسيقيه عجيبه
النقطه فى بدليه الكلام يثبت ان النقطه مش نهايه الكلام و ان لسه فى كلام بعد النقطه 

سبحه

تحت كم الورد سبحه

و الخرز يتعد نبض

سر قولتك بس لمحه

لو علن ، كان الثواب انفض

مع كل حبايه بتفلت

تلقى حبايه نفس تزوغ مـ العد

حمولك فى ايديا تقلت

و الخيط على اخره خلاص انشد

قام انقطع 

و الخرز فى الارض

مش هجمعك 

و لا كنتى سنه 

و لا كنتى فرض

ام العيون السود

يا أم العيون السود

ضاعت صورتى فى عنيكى بلاش

شفتنى فيكى طشاش

و لسه الرسم مكملشى و لسه الصورة مش كاملة مظهراش

كان الجدار اسود كأن الصورة بتعزى مبكياش

و ضاعت صورتى فى عنيكى بلاش

ناوى

يا نبض القلب انا ناوى

تكون اللحن فى غناوى

نشيد فى الصبح يتسمع علم مرفوع فى سماوى

يا نبض القلب انا ناوى

تكون جرحى و انا اداوى

عيونه السود و حمر خدود

وانا ليهم اكون راوى

يا فرح القلب انا هاوى

تعلمنا نعيش الحب

تعلمنا مبادئ عشق

ولا مره اكون حاوى

انا ناوى

بدون وحى

بدون وحى

هو الإلهام يرشدنى كإبراهيم

و أرفض فى الهوى أصنامكم و العشق و التسليم

بالأوثان والإيمان بالأنثى التى أفلت

و قصائد فى حبهم بزغت 

بالاعراف و التعليم

هو ذلك التكريم

يعصمنى من الكهان و الشعار و الترنيم

. . . . . . .

                 ما كل تلك الالهه                                ما كل تلك نساء

      

           عقيدة التوحيد فى أنثى واحدة                        ما بعد ذاك غثاء